កាលពីថ្ងៃចន្ទ ១២ កើត ខែស្រាពណ៍ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៨ ខែសីហា ឆ្នាំ២០២៣ ប្រជាពលរដ្ឋជនជាតិដើមកួយដែលរស់នៅក្នុងភូមិដងផ្លិត និងភូមិណារ៉ុងបានមូលមតិគ្នាដើម្បីឡើងលោកតា ដើម្បីសុំសេចក្ដីសុខ និងធ្វើពិធីដាក់បណ្ដាសាក្នុងគោលបំណងដើម្បី៖
បន់ស្រន់ដាក់បណ្ដាសសាឲ្យពួកមន្ត្រីដែលពុករលួយ និងអ្នកមានអំណាចណាដែលរំលោភយកដីប្រជាពលរដ្ឋសូមឲ្យទៅណាជួបតែគ្រោះថ្នាក់ បើចេញទៅណាតាមឡានសូមឲ្យក្រឡាប់ឡាន បើតាមផ្លូវទឹកសូមឲ្យលិចទូក និងផ្លូវអាកាសសូមឲ្យធ្លាក់យន្ដហោះ។
១.ដើម្បីសុំលោកតាដងផ្លិត និងលោកតាត្រឹបជួយថែរក្សាកូនចៅដែលរស់នៅក្នុងភូមិដងផ្លិតនិងភូមិណារ៉ុង និងភូមិពាក់ព័ន្ធផ្សេងៗ។
២.ដើម្បីបន់ស្រន់សុំឲ្យលោកតាដែលកាន់កាប់នៅតំបន់នោះជួយមើលថែរក្សាព្រៃនៅទីនោះពីពួកអ្នកដែលមានអំណាចមួយចំនួនចូលមកឈ្លានពានដីព្រៃពីដូនតាមករបស់ពួកគាត់។
៣និងបើមន្រ្តីពាក់ព័ន្ធ និងអ្នកមានអំណាចណាដែលគិតគូរ ការពារ ជួយជ្រុមជ្រែង និងធ្វើអំពើល្អជាផលប្រយោជន៍ដល់សហគមន៍ទាំងពីរភូមិ និងភូមិពាក់ព័ន្ធសូមលោកតាត្រឹបនិងលោកតាដងផ្លិតជួយថែរក្សាផង កុំឲ្យមានគ្រោះភ័យណាមួយកើតឡើងមកលើមន្រ្តីនោះឡើយ។
